Lupta bauddha-vacana saṃgraha
ādibuddha
(1)
virāgānna paraṃ pāpaṃ na puṇyaṃ sukhataḥ param
|
ato'kṣarasukhe cittaṃ niveśyaṃ tu sadā nṛpa ||
(2)
patite bodhicitte tu sarvasiddhinidhānake |
mūrcchite skandhavijñāne kutaḥ siddhiraninditā
||
āryadevapāda
(6)
vigrahe yaḥ parihāraṃ kṛte śūnyatayā vadet |
sarvaṃ tasyāpa(ri)hṛtaṃ samaṃ sādhyena jāyate ||
(7)
nānyayā bhāṣayā mlecchaḥ śakyo grāhayituṃ yathā
|
na laukikamṛte lokaḥ śakyo grāhayituṃ tathā ||
ālicatuṣṭaya
(1)
catasro gataya ūrdhvaṃ pārśvamṛjuradhaśceti |
ucchuṣmatantra
(1)
śivaśaktisamāyogāt satsukhaṃ paramādvayam |
na śivo nāpi śaktiśca ratnāntargatasaṃsthitam
||
guhyatattvaprakāśa
(1)
ekāraḥ pṛthivī jñeyā karmamudrā tu locanā |
(2)
caturbhiḥ pratyayairgrāhyam |
caturdevīparipṛcchāmahāyogatantra
(1)
caturaśītisāhasre dharmaskandhe mahāmune |
tattvaṃ vai ye na jānanti sarve te niṣphalāya
vai ||
catuḥpradīpa
(1)
yaḥ pratyayairjāyati sa hyajāto
na tasya utpāda svabhāvato'sti |
yaḥ pratyayādhīna sa śūny uktaḥ
yaḥ śūnyatāṃ jānati so'pramattaḥ ||
jñānapāda
(1)
evaṃvidhaiśca cetasi yatkiñcit kāyavāṅmanaskarmamudrāmantrākāraṃ
gaditaṃ sarvabuddhairityuktam |
jñānālokālaṅkāramahāyānasūtra
(1)
avikalpitasaṅkalpa apratiṣṭhitamānasa |
asmṛtyamanasikāra nirālamba namo'stu te ||
ḍākinīvajrapañjara
(1)
prathamaṃ toyasekena dvitīyaṃ maulisekataḥ |
tṛtīyaṃ paṭṭasekena caturthaṃ vajraghaṇṭayā ||
pañcamaṃ svādhipenaiva nāmasekaṃ tu ṣaṣṭhamam |
buddhājñā saptamaṃ sekaṃ kalaśaṃ sekamaṣṭamam||
navamaṃ guhyasekena daśamaṃ prajñābhiṣekataḥ |
tattvavajraprayogeṇa sarvān vajravratān dadet
||
vyākaroti svaya śāstā eṣa sekavidhiṃ svayam |
ācāryo nāvamantavyaḥ sugatājñāṃ na laṅghayet||
(2)
sarvajñahetukaṃ taddhi suddhinikaṭe pravartakam
|
paścānmāyopamākāraṃ svapnākāraṃ kṣaṇātkṣaṇam ||
(3)
ṣaḍaṅgaṃ bhāvayet tasmāt svādhiṣṭhānasamaṃ punaḥ
|
paścāt svaṃ lakṣayeccihnamanulomavidhikramaiḥ
||
(4)
siddhayatyaśeṣaniḥśeṣaṃ traidhātukaṃ carācaram
|
lokadhātuṣu sarveṣu yāvanto vajradehinaḥ ||
(5)
śūnyatākaruṇābhinnaṃ yatra cittaṃ prabhāvyate |
sā hi buddhasya dharmasya saṃghasyāpi hi deśanā
||
(6)
akṣobhya eva nāmyotī? sarvarāgavivarjitaḥ |
sā(śā)śvatenāyutaṃ proktaṃ koṭivajrāṅkavajriṇe ||
amitāyunākhyātaṃ yāvadaAkāśasaptirātri? |
tattvasaṃgrahatantrarāja
(1)
sarvatathāgatamahābodhidṛḍhasattva ityārabhya
anādinidhanaḥ śānto bhagavān mahābodhisattvavajraḥ samantabhadro
mahābodhisattvaḥ sarvatathāgatahṛdayeṣu vijahāra
atha sarvatathāgatāḥ prāhuḥ - kathaṃ tvaṃ
kulaputrānuttarāṃ samyaksambodhimabhisaṃbhotsyase yastvaṃ
sarvatathāgatatattvānyabhijñāya iṣṭatarapuṇyānyupahasasīti |
sarvārthasiddhibodhisattva āha-bhagavantaḥ
sarvatathāgatā ājñāpa[yatha] kathaṃ pratipadyāmīdṛśaṃ tattvamiti |
tathāgatā āhuḥ - pratipadyasva kulaputra
svacittapratyavekṣaṇasamādhānena prakṛtisiddhena rucijaptena mantreṇeti | om
cittaprativedhaṃ karomīti |
mahāvodhisattva āha- ā jñāto bhagavantaḥ
sarvatathāga[tāḥ] svahṛdi candramaṇḍalākāraṃ paśyāmi |
prakṛtibhāsvaramidaṃ kulaputra cittaṃ candramaṇḍalavat
| candramaṇḍalaṃ prakṛtiprabhāsvaraṃ
tadvajjñānam | yathā kramāccandramaṇḍalaṃ sampūrṇaṃ bhavati, tadvat prakṛtiprabhāsvaraṃ cittaratnamapi
paripūrṇaṃ bhavati | yathā candramaṇḍalamāgantukakalābhiḥ sūryamaṇḍalaraśmyapagamāt
kramāt pūrṇaṃ dṛśyate, tadvat prakṛtipariśuddhaṃ
cittaratnamapi sarvakleśamalakalaṅkāpagamakramāt paripūrṇabuddhaguṇa dṛśyata
iti |
tathāvādī
(1)
kecit tasyābhāsamātrā sumanasi
janitādarśabimbopamā vai
yogīndraiḥ sevanīyā paramajinasutaiḥ sevitā yā
ca buddhaiḥ |
sā jñānārciḥ pravṛddhā dahati saviṣayaṃ māravṛndaṃ
samastaṃ
rāgādiṃ cāpi kāye dahati samasukhaṃ yogināṃ varṣayogāt
||
trisamayamahātantrarāja
(1)
bodhicittaṃ dṛḍhaṃ yasya niḥśaṅkā ca
matirbhavet |
vicikitsā na kartavyā tasyedaṃ siddhayati
dhruvam ||
(2)
asamācalāḥ samatasāradharmiṇaḥ
karuṇātmakā jagati duḥkhahāriṇaḥ |
asamantasarvaguṇasiddhidāyino
amalācalāḥ samavarāgradharmiṇaḥ ||
gaganasamopamakatā na vidyate
guṇaleśareṇukaṇike'pyasaumike |
sadasattvadhātuvarasiddhidāyiṣu
vigatopameṣu asamantasiddhiṣu ||
satatāmalā karuṇavegatotthitā
praṇidhānasiddhiravirodhadharmatā |
jagato'rthasādhanaparā samantinī
satataṃ virocati mahākṛpātmanām ||
na nirodhatāṃ karuṇacārikākulā
vrajate trilokivarasiddhidāyikā |
amitāmiteṣu susamāptitāṃ gatā
gatiṃ gateṣvapi aho sudharmatā ||
trisamaye'grasiddhi varadā dadantu me
varadānatāgragatitāṃ gatāḥ sadā |
sakalāstrilokavaradāgrasādhakā
nāthāstriyadhvagatikā anāvṛtāḥ ||
dauḍīpāda
(1)
prāṇī vajradharaḥ kapālavanitātulyo
jagatstrījanaḥ
so'haṃ herukamūrtireṣu bhagavān yo na
prabhinno'pi ca|
śrīpadmaṃ madanaṃ ca gokudahanaṃ kurvan yathā
gauravād
etat sarvamatīndriyaikamanasā yogīśvaraḥ
siddhayati ||
(2)
rāgānte viramapraveśasamaye citte
svabhāvasthite
yā cittirmanasaḥ pravṛttiraparā vāyorniruddhā
gatiḥ |
tatkale yadananyasaṃbhavasukhaṃ sākṣāt paraṃ
tatpadaṃ
tatra svānubhavo hi yasya sa punaḥ siddho
mahāmudrayā ||
(3)
gavāṃ yūthanyāyaḥ |
(4)
ete pañca yanti mohataṭino pāram |
(5)
adūre dūre vā |
dhaukaḍipāda
(1)
saṃsāre bahu saṃsaranti sudhiyo tena prabhāveṇa
ca
bhāvābhāvayuge vicārya sakalaṃ svaprajñayā saṃsthitam
|
pakṣāpakṣamavekṣya vādigaditaṃ kiñcinna
paśyāmyahaṃ
grāhyagrāhakavarjitaṃ hi mudibhirduḥkhairyathā [sa]ntatam ||
nāgārjunapāda
(10)
akṛtrimaḥ svabhāvo hi nirapekṣaḥ paratra ca |
yadi niḥsvabhāvābhāvaḥ svabhāvato na vidyante
||
(11)
cittamātramidaṃ sarvamiti yā deśanā muneḥ |
uttrāsaparihārārthaṃ bālānāṃ sā na tattvataḥ ||
nidattāka
(1)
keśoṇḍrakaṃ yathākāro dṛśyate taimirakairjanaiḥ
|
tathā lokādidoṣeṇa bhāvo bālairvikalpyate ||
nirnādatantra
(1)
ratnapuramidaṃ devi kiñjalke jvalatāṃ vrajet |
rudro yugmaḥ śivaḥ śreṣṭhaḥ śaktiḥ saiva
parātparā ||
lakṣlakṣaṇanirmuktaṃ vāgudāhāravarjitam |
śivaśaktisamāyogāt jāyate cādbhutaṃ sukham ||
na santi tattvato bhāvāḥ śaktirūpeṇa bhāvitāḥ |
śaktistu śūnyatādṛṣṭiḥ sarvāropavināśinī ||
pañcakrama
(1)
nāsti rātrau na sandhyāyāṃ divāpi ca na vidyate
|
bho taṃ sahajamānandaṃ gurucaraṇeṣu pṛccha ||
buddhakapāla(yoginītantra)
aśuddhacittaśodhanād bhaginī bhaveccakṣu -
rbhāgineyā śrotrameva ca jananī bhaṇyate ghrāṇam
|
rasanā duhitā tathā mano bhaved bhāryā
ṣaḍetā varā vidyā mahāmudrāpradāyikāḥ||
bhagavatpravacana
(1)
varaṃ jetavane ramye śṛgālatvaṃ vrajāmyaham |
na tu vaiśeṣikaṃ mokṣaṃ gotamāgantumarhati ||
mahāmaṇḍalavyūhatantra
namaḥsamantabuddhānāṃ om vajrapuṣpe svāhā | mṛttikāgrahaṇamantraḥ
|
om vajrodbhavāya svāhā | bimbavalanamantraḥ |
om araje viraje svāhā | tailamrakṣaṇamantraḥ |
om dharmadhātugarbhe svāhā | mudrākṣepaṇamantraḥ
|
om vajramudgarākoṭana svāhā | ākoṭanamantraḥ |
om dharmarate svāhā | ākarṣaṇamantraḥ |
om apratiṣṭhitavajra svāhā | sthāpanamantraḥ |
om sarvatathāgatamaṇiśatadīpte jvala jvala
dharmadhātugarbhe svāhā | pratiṣṭhāmantraḥ |
om svabhāvaśuddhe āhara āhara āgaccha āgaccha
dharmadhātugarbhe svāhā | visarjanamantraḥ |
om ākāśadhātugarbhe svāhā | kṣamāpanamantraḥ |
mūlatantra
(1)
"yoginyaḥ sahajasiddhāḥ" iti vacanāt tā evāha -
śirasastu samudbhūtā nāḍayaḥ śirasijāḥ smṛtāḥ
||
vajraḍāka
(1)
rocate dīyate yattad mahāvairocano muniḥ |
viramānte paramaścāsau vāyūnāṃ viśvasaṃbhavāt
||
(2)
yathā stambhena mahatā ghriyate līlayā gṛham |
na ca dvārastathā kāyaḥ kaṅkālaireva dhāryate
||
vajrapāṇi
(2)
narā vajradharākārā yoṣito vajrayoṣitaḥ |
vajramaṇḍalālaṅkāramahāyogatantra
(1)
idaṃ tat sarvabuddhānāmadbhutaṃ guṇavistaram |
siddhayanti sarvamantrā vai sakṛduccārite'pi hi
||
anena stotrarājñā vai toṣitāste tathāgatāḥ |
dadanti vipulāṃ siddhiṃ kalpasthāṃ kalpacoditām
||
darśayanti ca ātmānaṃ āsecanakavigraham |
vairocanamahānāthamakṣobhyaṃ ratnasambhavam ||
amitābhaṃ jinaṃ śuddhamamogharājaṃ ca sarvataḥ
|
rasaṃ rasāyanaṃ tattvaṃ pravadanti varāṇi ca ||
aśeṣāḥ siddhayo ramyā vipulā arthasampadaḥ |
sarvāśāparipūriṃ ca dadanti manasepsitāḥ |
jñānamāyurbalaṃ vegaṃ dadanti paramaṃ śubham ||
virupākṣāpāda
(1)
vajrotthānaṃ sadā kuryāt candrārkagatimañcanāt
|
anyathā nāvadhūtyaṃśe viśati prāṇamārutaḥ ||
śākyanātha
(1)
tāmrasya kālimā yadvadraṇayogena naśyati |
na tasya sattvatā naśyennirmalatvena yā sthitā
||
tadvaccittamalaḥ śūnyatāyogena naśyati |
na tasya jñānatā naśyennirmalatvena yā sthitā
||
sandhyāvyākaraṇa
(1)
skandhā eva hi sambuddhā boddhayarthaṃ
pratyayodbhavāḥ |
te vai tathāgatāḥ khyātāstathāgatādvayayogataḥ
||
(2)
ākāśaikasvabhāve'smin vijagāra mahāmuniḥ |
(3)
āgneye caiva vāyavye māhendre vāruṇe tathā |
cakre cittasya saṃcārādūrdhvapārśvastvaghogatiḥ
||
tāsāṃ madhye svadaivatyaṃ turyayogaḥ parasparam
|
samayavajrapāda
(7)
yastu vajranayopāyavicitrīkṛtamānasaḥ |
sphuṭīkṛtasvasaṃvedyadharmakāyamahāsukhaḥ ||
tasya vajradharasyeha siddhiḥ karatale sthitā |
sampuṭatantra
(4)
mātṛjāstrayamātrāṇi pitṛjāstrayameva ca |
tat ṣāṭkauśikaṃ piṇḍaṃ ṣaṭtathāgatarūpakam ||
(5)
dvādaśa dviguṇībhūya pārśvatastu dvipakṣayoḥ |
vīrayoginīvṛndena samantāt parivāritaḥ ||
kaṅkālo daṇḍarūpe yo'sau herukaḥ paramāśrayaḥ |
skandhadhātvādibuddhānāṃ stūpa ityabhidhīyate
||
(6)
āgneye caiva vāyavye māhendre vāruṇe tathā |
cakre cittasya saṃcārādūrdhvaṃ
pārśvarjvadhogatiḥ ||
sampuṭatilaka
(1)
sarvaḍākinīmayo raktaṃ sarvavajrasamudbhavam |
padmaprakāśayogataḥ |||||||
varjasūryaḥ paraṃ khyātaḥ
sphuredūrdhvaprabhāsvaram ||
saṃvaratantra
(1)
na yogaḥ pratibimbeṣu niṣiktādiṣu jāyate |
bodhicittamahāyogād yoginastena devatā ||
bodhicittamidaṃ vajraṃ sarvabuddhatvamātmanaḥ |
tasmāt sārvātmyayogena sarvabuddhatvamāpnute ||
enaṃ paśyanti saṃyuktaṃ sarvathā pūjayanti ye |
dṛṣṭāstaiḥ pūjitāścaiva sarvabuddhā bhavanti hi
||
darśanasparśanābhyāṃ ca sarvabuddhasya vā'sya
hi |
amaṇḍalapraviṣṭāśca dṛṣṭasatyā bhavanti hi ||
darśanasparśanābhyāṃ ca śravaṇasmaraṇena ca |
sarvapāpairvimucyante pūjyante sarvasiddhibhiḥ
||
sarvayogasamāyogaiḥ sarvabuddhasya vā'sya hi |
nāryo'pi hi vimucyante buddhabodhiṃ spṛśanti
ca||
sarvatra sarvataḥ sarva sarvathā sarvadā svayam
|
sarvabuddhamayaṃ siddhaṃ svamātmānaṃ prapaśyati
||
sarvātmasaṃsthitāścainaṃ pūjayanti tathāgatāḥ |
sarvapūjāmahāmeghavyūhaprasarasañcayaiḥ ||
sarvabhogopabhogaiśca sevyamānairyathāsukham |
svādhidaivatayogena svamātmānaṃ prapūjayet ||
vicitrakarmayogena vicitravinayātmanā |
sattvānāṃ vinayārthāya tadanye vidhayaḥ smṛtāḥ
||
anādinidhanaḥ sattvo vajrasattvaḥ paraṃ yataḥ |
subhageti ca vikhyāto susthito buddhamudrayā ||
vicitrakarmayogena vicitravidhikāṅkṣiṇām |
buddhavajradharādyāstu kṛtakā vinayāḥ smṛtāḥ ||
(2)
ātmānamapi niryātya punarmūlyaistu mokṣayet |
nānātantreṣu nirdiṣṭā dakṣiṇeyaṃ niruttarā ||
saṃvaranātha
(1)
anāmāṅguṣṭhavaktrābhyāṃ lehayed yogavit sadā |
saṃvarottaratantra
(1)
kakārādidakārāntaṃ ṅñavarjaṃ niveśayet |
ghakārādihakārāntaṃ ālidvayaṃ samālikhet |
madhyasthena tvakārālirnyastavyaḥ śaśimaṇḍale
||
sahajasaṃvara
(1)
sarvavyāpi nirābhāsi karuṇaikarasaṃ manaḥ |
āliṅgati jhaṭityeṣā vṛṣasyantī ca śūnyatā ||
sekoddeśa
(1)
yāvanno patati prabhāsvaramayaḥ śītāṃśudhārādravo
devīpadmadalodare samarasībhūto jinānāṃ gaṇaḥ |
sphūrjadvajraśikhāgrataḥ karuṇayā bhinnaṃ
jagatkānanaṃ
garjaddhīkaruṇācalasya sahajaṃ jānīhi rūpaṃ
vibhoḥ ||
(2)
tasmāt sarvaprayatnena cyutirāgaṃ vivarjayet |
yenākṣarasukhaṃ yāti yogī saṃsārabandhanāt ||
kāmuko'pi virāgānna kāmaśāstraṃ samīhate |
mayoktaṃ kiṃ punastatra yogī duḥkhaṃ samīhate
||
śuklākṣarasvabhāvena sādhayet paramākṣaram |
ādhāre cyuti āpannaṃ ādheyasya virāgatā||
ādhārādheyasaṃbandho yāvadakṣaratāṃ vrajet |
cittamakṣaratāprāptaṃ nādhārādheyalakṣaṇam ||